Անահիտ կամ Պետրոս. Daily Mail-ը ներկայացրել է այն հայկական անունները, որոնցից մեկով Քիմ Քարդաշյանը կարող է կոչել իր 4-րդ երեխային

Ամերիկյան Keeping Up With the Kardashians իրապատում շոուի աստղ Քիմ Քարդաշյանը, որը մոտ ապագայում փոխնակ մոր օգնությամբ 4-րդ երեխան կունենա, խոստովանել է, որ երեխային ցանկանում է հայկական անուն տալ:

Ինչպես նշում է Daily Mail-ը, 38-ամյա գեղեցկուհին ավելի վաղ չէր բացառել, որ երեխային կարող է անվանակոչել եղբոր և հանգուցյալ հոր պատվին՝ Ռոբերտ: Այնուհանդերձ աստղային հայուհին վստահ չէ, որ այդ անունը սազական կլինի իր երեք երեխաների անսովոր անունների (Նորթ, Սենտ, Չիկագո) հետ:

Բրիտանական պարբերականը մանրամասնում է, որ Քարդաշյանը կարող է ընտրություն կատարել Հայաստանում նորածիններին տրվող ամենատարաված անունների շարքից՝ Դավիթ, Նարեկ, Գոռ, Հայկ, Ալեքս, Էրիկ, Արման, Սամվել, Տիգրան և Արամ: Աղջիկների դեպքում այդ անունները հետևյալն են՝ Նարե, Միլենա, Մարիա, Մանե, Անի, Աննա, Անահիտ, Մարիամ, Էլեն և Մերի:

«Ավանդաբար հայերը նախապատվություն են տալիս նաև բիբլիական, հունական, լատինական և հրեական ծագմամբ անուններին, օրինակ՝ Աբրահամ, Հակոբ, Հովհաննես, Պետրոս, Պողոս, Մադլեն, Եղիսաբեթ և Թամար»,-գրում է բրիտանական պարբերականը:

Հիշեցնենք, որ Քարդաշյանի չորրորդ երեխան ծնվելու է մայիսին:

Այս թեմայով «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «ԱՄՆ-ի անեծքը». Քիմ Քարդաշյանը մերկ նկարահանվել է դրոշի ֆոնին Fendi-ն հավաքածու է պատրաստում Քիմ Քարդաշյանի հետ «Ես չեմ խնդրել հայուհի լինել։ Իմ բախտը պարզապես բերել է». Քիմ Քարդաշյան