Ավելի քան 15 մլն դոլար. Ուկրաինայի նախագահի թեկնածուներից քարոզարշավի համար ամենաշատ գումարը Պորոշենկոն է ծախսել

Ուկրաինայի գործող նախագահ, նախագահի թեկնածու Պյոտր Պորոշենկոն մյուս թեկնածուների համեմատ նախընտրական քարոզարշավի համար ամենաշատ գումարն է ծախսել, ընդ որում՝ այդ նպատակով նրա ծախսած գումարը 9 անգամ գերազանցել է «Ժողովրդի ծառա» կուսակցության առաջնորդ Վլադիմիր Զելենսկիի ծախսը, գրում է life.ru-ն՝ Ուկրաինայի Կենտրոնական ընտրական հանձնաժողովին հղումով:

Ուկրաինայի ղեկավարը քարոզարշավի համար ընդհանուր առմամբ մոտ 15,2 մլն դոլար է ծախսել: Դրամական միջոցների մեծ մասը Պորոշենկոն տրամադրել է սեփական բյուջեից, մինչդեռ, օրինակ, «Հայրենիք» կուսակցության ղեկավար Յուլյա Տիմոշենկոյի քարոզարշավի համար վճարել է նրա կուսակցությունը:

Ըստ ԿԸՀ զեկույցի՝ մարտի 31-ին կայացած նախագահական ընտրությունների առաջին փուլի առաջատար Վլադիմիր Զելենսկին իր նախընտրական քարոզարշավի համար մոտ 3,5 մլն դոլար է ծախսել: Ծախսերը հիմնականում հոգացել են ֆիզիկական անձինք, սակայն եղել են նաև ներդրումներ նրա կուսակցության և իրավաբանական անձանց կողմից:

Հիշեցնենք, որ քվեարկության արդյունքում Զելենսկին և Պորոշենկոն ընտրությունների երկրորդ փուլ են անցել՝ համապատասխանաբար 30,24% և 15,95% ձայներով:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)