Քարդաշյանը հերքել է 2020թ. ընտրություններին մասնակցելու տեղեկությունը

Ամերիկյան Keeping Up With the Kardashians իրապատում շոուի աստղ Քիմ Քարդաշյանը, մեկնաբանելով որոշ լրատվամիջոցների տարածած տեղեկությունն այն մասին, որ ինքը որպես թեկնածու մասնակցելու է 2020 թվականին կայանալիք նախագահական ընտրություններին, հերքել է այդ ենթադրությունը:

Երեսունութամյա հայուհին The New York Times-ի հետ զրույցում ընդգծել է, որ իր գրաֆիկն առանց այն էլ չափից ավելի ծանրաբեռնված է և որ 4-րդ երեխայի շուտափույթ համալրման ֆոնին ներկայում իր տանն իսկական «քաոս» է տիրում:

«Ես փորձում եմ երեխայի սենյակի հարդարման աշխատանքներն ավարտին հասցնել: Դա խենթություն է, սակայն լավագույն խենթությունը»,-խոստովանել է Քարդաշյանը:

Մինչդեռ նախագահի պաշտոնում առաջադրվելու մասին հարցին ի պատասխան աստղը նշել է. «Դա հավանաբար աշխարհում ամենասթրեսային աշխատանքն է, և չեմ կարծում, որ այն ինձ համար է»:

Հիշեցնենք, որ Քարդաշյանն ու ռեփեր Քանյե Ուեսթն ունեն երեք երեխա և այժմ սպասում են 4-րդի լույս աշխարհ գալուն: Հայտնի է, որ Քարդաշյանն իր երեխաներից միայն առաջին երկուսին է ծննդաբերել, 1 տարեկան Չիկագոյի և 4-րդ երեխայի հարցում նա դիմել է փոխնակ մոր ծառայությանը:

Այս թեմայով «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «ԱՄՆ-ի անեծքը». Քիմ Քարդաշյանը մերկ նկարահանվել է դրոշի ֆոնին Fendi-ն հավաքածու է պատրաստում Քիմ Քարդաշյանի հետ «Ես չեմ խնդրել հայուհի լինել։ Իմ բախտը պարզապես բերել է». Քիմ Քարդաշյան