Facebook-ի օգտատերերի ավելի քան կեսը առավելագույնը 15 վայրկյան է ծախսում նորությունների հոդվածների վրա

Facebook-ի օգտատերերի ավելի քան կեսը նորությունների հոդվածների վրա ծախսում է առավելագույնը 15 վայրկյան, որը հազիվ բավարարում է մի պարբերություն նայելուն։ Դա կարող է նշանակել, որ ընթերցողների մոտ ձեւավորվում է պատրանք, թե իրենք տեղեկացված են, սակայն իրականում դա այդպես չէ՝ հայտնում է Naked-Science-ը։

Իրենց հետազոտությունների ընթացքում Փենսիլվանիա նահանգի Յորքի քոլեջի աշխատակիցները հավաքել են 1000 մասնակիցների եւ բաժանել նրանց երեք խմբի։ 320 մասնակցից կազմված առաջին խմբին խնդրել են The Washington Post թերթից գենետիկորեն մոդիֆիկացված սննդամթերքի մասին հոդվածն ամբողջությամբ կարդալ, երկրորդ խմբին (319 մասնակից) հանձնարարվել է կարդալ Facebook-ի նորությունների ժապավենը, որտեղ եղել է նաեւ չորս տարբեր հոդվածների նախնական հատվածներ, իսկ երրորդ խումբն (315 մասնակից) ընդհանրապես տեղեկատվություն չի ստացել։

Այնուհետեւ փորձագետները ստուգել են մասնակիցների գիտելիքները եւ նրանց գենետիկորեն մոդիֆիկացված սննդամթերքի մասին վեց հարց են տվել։ Նույնիսկ հատվածի ընթերցումը դրական արդյունք է տվել։ Այն մարդիկ, ովքեր կարդացել էին ամբողջ հոդվածը, ինչպես եւ սպասվում էր, լավագույնն են պատասխանել հարցերին, իսկ նրանք, ովքեր հատվածներ էին կարդացել մեկով ավելի հարցի էին պատասխանել, քան նրանք, ովքեր ընդհանրապես չէին կարդացել։