Խռովարարներին հաջողվել է դադարեցնել ադրբեջանական խողովակաշարի շինարարությունը
Իտալական Ապուլիա շրջանի Մելենդունյո քաղաքում 221 ձիթենիների տեղփոխումը՝ Տրանսադրիատիկ գազատարի (TAP) շինարարական աշխատանքների իրականացման համար, որով պետք է Ադրբեջանից բնական գազը տեղափոխվեր Իտալիա, ժամանակավորապես դադարեցվել է։
Ինչպես նշվում է, «No Tap» կոմիտեի անդամները Մելենդունյոյի՝ Կապրարիկա, Վերնոլե եւ Մորտանո քաղաքապետերի եւ «Հինգ աստղերի շարժում» (M5S) կուսակցության խորհրդարանականներ՝ Դիեգո Դե Լորենցիսի եւ Դոննոյի հետ համատեղ, դուրս են եկել բողոքի՝ ձիթենիների տեղփոխման դեմ։
Բողոքի ակցիայի մասնակիցները արգելափակել են ճանապարհը եւ թույլ չեն տվել աշխատողների եւ սարքավորումների մուտքը շինհրապարակ, ինչի արդյունքում «TAP»-ի ղեկավարությունը որոշել է դադարեցնել աշխատանքները։
Հիշեցնենք, որ «No Tap» կոմիտեն մինչ այդ էլ սադրանքներ էր կազմակերպում գազատարի շինարարության դեմ, նույնիսկ առգրավել էին կապալառու կազմակերպության տեխնիկան, իսկ «TAP»–ի գրասենյակ «Մոլոտովի կոկտեյլով» շիշ էին շպրտել։