Թրամփը պահանջել է քվեարկել առողջապահության բարեփոխման օգտին
ԱՄՆ նախագահ Դոնալդ Թրամփը հանրապետական–կոնգրեսականներից պահանջել է քվեարկել առողջապահության առաջարկված բարեփոխման օգտին։ Այս մասին հաղորդում է The New York Times-ը։
Ըստ թերթի տվյալների` փաստաթուղթը հնարավոր է Կոնգրեսում չհավաքի անհրաժեշտ ձայներ։
Թրամփը կտրուկ տոնով պահանջել է համառող հանրապատեկաններից քվեարկել բարեփոխման օգտին։ Հակառակ դեպքում նախկին՝ Obamacare ծրագիրը կմնա ուժի մեջ։
Կոնգրեսի ներկայացուցիչների պալատի խոսնակ Փոլ Ռայանը հաղորդել է, որ ԱՄՆ նախագահը ուզում է, որ այս հարցով քվեարկությունը տեղի ունենա մարտի 24-ին։
Ավելի վաղ հաղորդվել էր, որ Թրամփի բարեփոխման արդյունքում միլիոնավոր ամերիկացիներ կարող են կորցնել իրենց բժշկական ապահովագրությունը։