Հայաստանից ուղարկված նվերն ապշեցրել է ռուս միլիոնատիրոջը

Ռուսական «КоммерсантЪ» պարբերականը հոդված է հրապարակել, որում խոսվում է հայտնի անձանց ստացած ամենաանսովոր նվերների մասին:

Ռուս գործարար, բնական և օրգանական կոսմետիկայի արտադրությամբ զբաղվող Natura Siberica ընկերության հիմնադիր Անդրեյ Տրուբնիկովը պատմել է իր ամենաանսովոր՝ Հայաստանից ստացած նվերի մասին:

«Սովորաբար ինձ կոնյակ և շամպայն են նվիրում, այսինքն՝ ոչ մի հետաքրքիր բան, սակայն վերջերս ինձ ապշեցրին. Հայաստանից ծանրոց էին ուղարկել, որում «Արարատ» կոնյակ էր և կիսաթանկարժեք քարից անսովոր այցեքարտերի հավաքածու»,- ասել է Տրուբնիկովը:

Գործարարը հայտնել է, որ հավաքածուի 50 այցեքարտերը կբաժանի միայն իր լավագույն ընկերներին և ծանոթներին:

Ռուսաստանաբնակ գործարար Ռուբեն Վարդանյանն էլ իր հերթին պատմել է ծննդյան օրը աշխատակիցների ու ընկերների խմբի կողմից նվեր ստացած thankyouruben.org կայքի մասին, որտեղ վերջիններս կիսվել են իրենց պատմություններով: