Կիևում սպանել են ՌԴ պետդումայի նախկին պատգամավորին
Ուկրաինայի մայրաքաղաք Կիևում սպանվել է Ռուսաստանի Դաշնության Պետդումայի նախկին պատգամավոր Դենիս Վորոնենկովը, որին գնդակահարել են քաղաքի կենտրոնում, հաղորդում է lenta.ru-ն:
Կիևի ոստիկանապետը տեղեկացրել է, որ սպանվածից բացի՝ կա 2 վիրավոր: Տարբեր աղբյուրների փոխանցմամբ՝ զոհվել է նաև նախկին պատգամավորի թիկնապահը:
Մինչդեռ life.ru-ն հավելում է, որ դեպքի վայրից առաջին լուսանկարներն արդեն տարածվել են համացանցում: Ականատեսների պատմելով՝ դեպքի վայրում հնչել է 7 կրակոց:
Աղբյուրը մանրամասնում է, որ Ուկրաինայի ներքին գործերի նախարարության Կիևի գլխավոր վարչության ղեկավար Անդրեյ Կրիշչենկոն չի բացառել, որ սպանությունը կարող էր պատվիրված լինել: