Ցեղասպանության մասին պատմող «Խոստում» ֆիլմը ցուցադրվել է ԱՄՆ Կոնգրեսում
Մարտի 22-Ին, ԱՄՆ Կոնգրեսում կայացել է Հայոց Ցեղասպանության մասին պատմող «Խոստում» հոլիվուդյան ֆիլմի ցուցադրությունը։
Միջոցառմանը մասնակցել են ԱՄՆ Կոնգրեսի անդամներ, ԱՄՆ–ում Հայաստանի դեսպան Գրիգոր Հովհաննիսյանը, ԱՄՆ–ում ԼՂ ներկայացուցիչ Ռոբերտ Ավետիսյանը, ինչպես նաեւ ֆիլմի հեղինակները՝ ռեժիսոր Թերրի Ջորջը եւ Էրիկ Էսրայելյանը։
Նույն օրը Կոնգրեսի՝ Հայկական հարցերով խումբը բանաձեւ է ներկայացրել, որով հերթական անգամ կոչ է արել ԱՄՆ իշխանությանը ճանաչել եւ դատապարտել Հայոց Ցեղասպանությունը, ինչը կօգնի կանխարգելել այժմ Մերձավոր արեւելքում տեղի ունեցող ցեղասպանությունն ու ռազմական գործողությունները։
Հայկական հարցերով հանձնախումբը նաեւ ԱՄՆ նախագահ Դոնալդ Թրամփին ուղղված նամակի տակ կոնգրեսականների ստորագրահավաք էր նախաձեռնել, որով խնդրում են նախագահին՝ ապրիլի 24–ին «ըստ արժանվույն» հարգել Ցեղասպանության զոհերի հիշատակը։