The Independent. Մերկելը, Էրդողանը եւ հայերի Ցեղասպանությունը
Օսմանյան Թուրքիան սերտ կապված է եղել նացիստական ուժերի հետ, դրա վկայությունն է 1915 թվականին ավելի քան 1,5 միլիոն հայերի ցեղասպանությունը,– գրում է բրիտանական The Independent պարբերականը՝ կապված Թուրքիայի նախագահ Ռեջեփ Թայիփ Էրդողանի վերջին հայտարարությունների հետ, ով ԳՖՀ կանցլեր Անգելա Մերկելին համեմատել էր նացիստների հետ։
«Հիտլերի որոշ դիվանագետներ եւ Վեհրմախթի սպաներ եղել են օսմանյան իշխանությունների խորհրդականները եւ, փաստորեն, 1915 թվականին հայերի զանգվածային կոտորածների ականատեսն են դարձել»,– նշում է պարբերականը։
The Independent-ը նաեւ հիշեցնում է 1939 թվականին, Լեհաստանում, Ադոլֆ Հիտլերի հայտնի ելույթը, երբ Գերմանիայի ֆյուրերը հռետորական հարց էր բարձրացրել, թե՝ «այսօր ո՞վ է հիշում հայերի Ցեղասպանության մասին»։
Ի տարբերություն Էրդողանի, ով երբեք չի ճանաչի Հայոց Ցեղասպանությունը, Անգելա Մերկելը բազմիցս իր կարեկցանքն է հայտնել հրեա ժողովրդին Հոլոքոսթի կապակցությամբ,– ասվում է The Independent-ի հոդվածի վերջում։