Մեծ Բրիտանիայում կվերանայեն խորհրդարանի անվտանգության ապահովման միջոցները
Բրիտանական խորհրդարանի անվտանգության միջոցառումները կվերանայվեն՝ կապված ահաբեկչության հետ, բայց սա լուրջ փոփոխություններ չի նշանակում: ՌԻԱ Նովոստիի փոխանցմամբ՝ այս մասին հայտարարել է Մեծ Բրիտանիայի ՊՆ ղեկավար Մայքլ Ֆելոնը:
Լոնդոնում ահաբեկչություն իրականացվեց չորեքշաբթի, տեղական ժամանակով 14:40-ին: Վեսթմինսթերյան կամրջի վրա մեքենան բարձրացել է մայթ եւ վրաերթի ենթարկել մի քանի անցորդի, հասել խորհրդարանի շենք, որտեղ էլ ոստիկանները կանգնեցրել են չարագործին:
Նա դանակահարել է ոստիկաններից մեկին, որն ավելի ուշ մահացել է: Ահաբեկչին գնդակահարել են: Ճշտված տվյալներով՝ ահաբեկչության հետեւանքով 3 զոհ կա, եւս 7 մարդ ծանր վիճակում հիվանդանոցներում է: