Մոսկվայի բնակիչը ծառն է բարձրացել կնոջից ներողություն խնդրելու համար և մնացել ծառի վրա

Մոսկովյան Մարյինո թաղամասի բնակիչը ծառն է բարձրացել՝ կնոջից ներողություն խնդրելու համար, հայտնում է lenta.ru-ն:

Դեպքը տեղի է ունեցել մարտի 2-ի երեկոյան: РЕН ТВ հեռուստաալիքի տվյալների համաձայն՝ տղամարդը որոշել է պատուհանի միջոցով հաղորդակցվել կնոջ հետ, որն իրեն տուն չի թողել:

Տղամարդը բարձրացել է շենքի 5-րդ հարկին հավասար բարձրության վրա, սակայն իջնել չի կարողացել:

Դեպքի վայր է կանչվել փրկարարների խումբ: Տղամարդուն իջեցրել են ծառից և տարել ոստիկանական բաժանմունք, որտեղ էլ նա գիշերել է:

Արդյոք հաջողվել է նրան հաշտվել կնոջ հետ՝ չի նշվում: