31 մլն դոլարով վաճառվում է Մայքլ Ջեքսոնի ռանչոն

Ամերիկացի երգիր Մայքլ Ջեքսոնի Neverland ռանչոն 31 մլն դոլարով վաճառքի է դրվել, հայտնում է The Wall Street Journal-ը:

2015 թվականին այն ավելի թանկ էր գնահատված՝ 100 մլն դոլար, իսկ 2 տարի անց գինը զգալիորեն նվազել էր՝ մինչեւ 67 մլն դոլար: Դրանից հետո օբյեկտը անշարժ գույքի շուկայից հանվել էր:

Ռանչոն գտնվում է Սանտա Բարբարայից 64,4 կմ հեռավորությամբ եւ զբաղեցնում է հազար հա-ից մի փոքր ավելի հողատարածք: Շինությունների ընդհանուր մակերեսը կազմում է 1,2 հազար քառակուսի մետր, որոնց մեջ են մտնում 3 հյուրատները, կինոթատրոն-ստուդիան, թենիսի կորտը, լողավազանը եւ մի քանի օժանդակ կառույցներ:

Երգիչը ռանչոն գնել է 1987 թվականին 19,5 մլն դոլարով: