Ռուսաստանում օղին կթանկանա
Ռուսաստանում օղու մանրածախ վաճառքի նվազագույն գինը կդառնա 219 ռուբլի՝ 0,5 լիտրի դիմաց: Համապատասխան հանձնարարություն ՌԴ ֆինանսների նախարարությանը տվել է երկրի փոխվարչապետ Ալեքսանդր Խլոպոնինը:
«Ինտերֆաքս»-ի հաղորդմամբ` նախարարությունը պետք է համապատասխան հրամանագիրը պատրաստի մինչև ապրիլի 1-ը:
«Այս առաջարկը համաձայնեցված է շահագրգիռ գերատեսչությունների և շուկայի մասնակիցների հետ», - ասել է Խլոպոնինի մամուլի քարտուղար Նատալյա Պլատոնովան:
Հայտնի է, որ օղու մանրածախ վաճառքի նվազագույն գինը 190 ռուբլի է 0,5 լիտրի դիմաց:
Նշվում է, որ Ռուսաստանում օղու նվազագույն գները սահմանվում են 2009 թվականից` որպես «ստվերային» արտադրության դեմ պայքարի միջոց: