Իսպանիայում հնագույն մարդակերների բնակատեղի է հայտնաբերվել
Հնագետները Իսպանիայի տարածքում 10 հազար տարի առաջ կանիբալիզմի վկայություն են գտել։ Տեղեկությունը հրապարալվել է Journal of Anthropological Archaeology պարբերականում։ Վալենիսա քաղաքից հարավ գտնվող քարանձավում պեղումների ընթացքում հնագետները մարդկային 30 ոսկոր են հայտնաբերել, հաղորդում է Gazeta-ն։
Դրանք պատկանում են առնվազն երկու չափահասի եւ մեկ երեխայի։ Ոսկորների վրա քարե գործիքներով մշակման, կրակի եւ մարդու ատամների հետքեր կան։ Պարզվել է, որ ոսկորները քարանձավում են հայտնվել տարբեր ժամանակաշրջաններում։ Հայտնի չէ, թե ինչը կարող էր կանիբալիզմի պատճառ դառնալ։
Քիչ հավանական է, որ բնակիչները բախվել են քաղցի հետ՝ կենդանիների բազմաթիվ մնացորդները վկայում են, որ ուտելիքի պակաս չի եղել։ Հնարավոր է, տարբեր մշակութային խմբերի միջեւ հակամարտություն է տեղի ունեցել։