WhatsApp-ը հերթական արգելքն է մտցրել

WhatsApp-ի ստեղծողները շարունակում են պայքարել մեսենջերում տագնապի եւ շշուկների տարածման դեմ։ Տարերքը զսպելու համար նրանք իրականացրել են եւս մեկ արգելք՝ այժմ օգտատիրոջն առանց իր համաձայնության հնարավոր չէ ավելացնել խմբում՝ հայտնում է РГ-ն։

Նոր գործառույթը կհայտնվի կարգավորումներում, որտեղ կարելի կլինի նշել, թե ով իրավունք ունի ավելացնել օգտատիրոջը խմբում՝ կոնտակտներից յուրաքանչյուրը կամ ոչ ոք։ Վերջին դեպքում օգտատերը հարցում կստանա, որը կարելի է ընդունել կամ մերժել։

Փոփոխությունն առաջինը կտեսնեն Android-ի համար WhatsApp-ի օգտատերերը, ավելի ուշ նորարարությունը հասանելի կլինի նաեւ iOS-ի համար հավելվածների տարբերակում։