Ուորեն Բաֆեթն ասել է, որ հարուստները բավարար չափով հարկեր չեն վճարում

Ամերիկացի միլիարդատեր Ոորեն Բաֆեթն ասել է, որ հարուստները, այդ թվում եւ ինքը, բավարար չափով հարկեր չեն վճարում։

«Հարուստներն, անշուշտ, ավելի քիչ հարկեր են վճարում բնակչության մյուս հատվածի համեմատ»,- ասել է Բաֆեթը CNBC-ին տված հարցազրույցում։

«Որքան մասնագիտացված ենք դառնում մենք՝ դրան զուգընթաց հարուստներն ավելի հարուստ են դառնում»,- շարունակել է նա։ «Հարցն այն է, թե ինչպես ենք հոգում այն տղայի մասին, որը հիանալի քաղաքացի է, բայց շուկայական հմտություններ չունի։ Ես կարծում եմ, որ եկամտահարկը այս խնդրի լուծման լավագույն միջոցն է»։

Ներկայացուցիչների պալատի հանդեպ 2018-ի միջանկյալ ընտրություններում վերահսկողության վերականգնումից հետո որոշ օրենսդիր դեմոկրատներ կոչ արեցին բարձրացնել հարկերը հարուստների համար։

Նրանց մեջ էր Ալեքսանդրիա Օկասիո-Կորտեզը (դեմոկրատ Նյու Յորքից), որն առաջարկել էր 70 տոկոսանոց շեմային հարկ ավելի քան 10 միլիոն դոլար եկամտի դեպքում, որպեսզի հաղթահարվի հարուստների եւ աղքատների միջեւ խորացող խզումը։