ԱՄՆ եւ Ֆինլանդիայի պաշտպանության նախարարները քննարկել են «ռուսական ագրեսիան»
Պենտագոնի ղեկավար Ջեյմս Մեթիսը եւ Ֆինլանդիայի պաշտպանության նախարար Յուսի Նիինիստյոն քննարկել են անվտանգությանը վերաբերող մի քանի հարցեր։ Այս մասին հաղորդում է Պենտագոնի կայքը։
Նախարարների քննարկած թեմաների թվում նաեւ «ռուսական ագրեսիան» էր, ՆԱՏՕ–ն եւ Հելսինկիի եւ ալյանսի երկկողմանի համագործակցությունը։
Ավելի վաղ, Սաուդյան Արաբիայի գահաժառանգ արքայորդի Մոհամեդ բին Սալմանը, ով երկրի պաշտպանության նախարարն է, Պենտագոնի ղեկավար Ջեյմս Մեթիսի հետ քննարկել էր Վաշինգտոնի եւ Էր–Ռիյադի համագործակցությունը՝ «Իսլամական Պետություն» ահաբեկչական կազմակերպության դեմ պայքարում։