Վարշավայում պղծել են խորհրդային զինվորների գերեզմանատունը
Վարշավայում պղծվել է Լեհաստանում խորհրդային զինվորների ամենախոշոր գերեզմանոցը,– հաղորդում է ТАСС-ը՝ հղում անելով հանրապետությունում Ռուսաստանի դեսպանությանը։
Դեսպանատնից հայտնել են, որ գլխավոր կոթողի աստիճանների վրա կարմիր ներկով ֆաշիստական սվաստիկա եւ այլ խորհրդանիշներ են արվել։ Ընդհանուր առմամբ մոտ 15 նման պատկեր է արձանագրվել։
Նշվում է, որ դեսպանատունը նամակներ է հղել Լեհաստանի արտաքին գործերի եւ մշակույթի եւ ազգային ժառանգության նախարարություններին։
Սեպտեմբերին վանդալները ավերել էին խորհրդային զինվորների գերեզմանները Պոզնան քաղաքի Ֆորտե Վինյարիում տեղակայված հուշահամալիրում։