Եգիպտոսը չի բարձրացնի զբոսաշրջային մուտքի արտոնագրի գինը
Եգիպտոսի զբոսաշրջության նախարար Յահյա Ռաշեդը հայտարարել է, որ երկրի կառավարությունը չեղարկել է մուտքի արտոնագրերի գինը երկուսուկես անգամ բարձրացնելու իր որոշումը։
«Այժմ չափազանց անհարմար ժամանակ է մուտքի արտոնագրերի գները բարձրացնելու համար, չնայած որ դա այս պահին երկրին անհրաժեշտ էր, սակայն այդ միջոցը ավելի մեծ ճգնաժամի առաջ կկանգնեցնի այս ոլորտին»,– ասել է Ռաշեդը։
Ավելի վաղ նախարարը հաղորդել էր, որ երկրի մուտքի արտոնագրերի գների բարձրացման վերաբերյալ վերջնական որոշում դեռ չի կայացվել։