Սերենա Ուիլյամսը կրոնական համոզմունքների պատճառով կես տարի անց է «նշել» դստեր 1-ամյակը (լուսանկարներ)

Ամերիկահայ միլիոնատեր Ալեքսիս Օհանյանի կինը՝ ռեկորդակիր թենիսիստուհի Սերենա Ուիլյամսը, որը Եհովայի վկա լինելու պատճառով հրաժարվել էր տոնել դստեր ծննդյան մեկամյակը, որոշել է երեխայի համար մեծ խնջույք կազմակերպել ու ուրախացնել նրան:

Ինչպես նշում է Daily Mail-ը, 37-ամյա մարզուհին Instagram-ում իր 10,7 մլն հետևորդների համար հրապարակել է տեսանյութեր՝ ցույց տալով՝ ինչպես են երեխաները զվարճանում:

«Քանի որ մենք ծննդյան տոները չենք նշում, ցանկացանք Օլիմպիայի համար ինչ-որ զվարճալի բան կազմակերպել»,-բացատրել է Ուիլյամսը:

Օհանյանն իր էջում ևս անդրադարձել է խնջույքին` հրապարակելով դստեր լուսանկարը:

Հատկանշական է, որ հայազգի գործարարը, ի տարբերություն կնոջ, տվյալ աղանդի հետևորդ չէ, սակայն հարգում է Ուիլյամսի ընտրությունը:

Հիշեցնենք, որ զույգի միակ դուստրը՝ Օլիմպիա Օհանյանը, ծնվել է 2017թ. սեպտեմբերի 1-ին:

Այս թեմայով Ինձ չհիասթափեցնեք, նախագահ Բայդեն․ Ալեքսիս Օհանյան Ալեքսիս Օհանյանն ԱՄՆ-ի և Գերմանիայի առաջնորդներին կոչ է արել վերջ դնել հայ ժողովրդի դեմ ռազմական գործողություններին (տեսանյութ) Նրանք նորից քանդում են մեր եկեղեցիները. Ալեքսիս Օհանյան Ալեքսիս Օհանյանը ևս կոչով դիմել է միջազգային հանրությանը Ալեքսիս Օհանյանը ցույց է տվել, թե ինչպես է օրը սկսում է հայկական ձեւով