Կինը կացնահարել է ամուսնուն, ով ծեծել էր իրեն՝ առանց մսի ապուրի համար
Բուրյաթիայի Զաիգրաեւո ավանի բնակչուհուն կասկածում են ամուսնու սպանության մեջ, ով ծեծել էր կնոջը եւ սպառնացել սպանել, քանի որ ապուրը առանց մսի էր եղել։
25-ամյա երիտասարդի մարմինը հայտնաբերել են ավանի բնակարաններից մեկում, մարտի 20–ին։ Հարուցվել է քրեական գործ։
Ըստ հետաքննության տվյալների, մարտի 19-ին ամուսինը տուն է եկել խմած եւ կնոջից ընթրիք է պահանջել, ինչից հետո սկսել է կռվել կնոջ հետ, որ նա ճաշը առանց մսի է եփել։ Այնուհետեւ նա ծեծել է կնոջը եւ խոստացել, որ կսպանի նրան գիշերը՝ քնած ժամանակ։
Գիշերը կինը դուրս է եկել բակ, վերցրել է կացինը եւ մի քանի անգամ հարվածել ամուսնու գլխին։
Ինչպես հաղորդում են քննչական կոմիտեից, կինը ինքն է զանգահարել ոստիկանություն, իսկ հարցաքննության ժամանակ մանրամասն պատմել է հանցագործության հանգամանքների մասին։