Հարուցվել է խարդախության գործ Ջիգարխանյանի նախկին կնոջ դեմ

ՌԴ ՆԳՆ ԳՎ Մոսկվայի գլխավոր քննչական վարչությունը հատկապես խոշոր չափերի խարդախության վերաբերյալ քրեական գործ է հարուցել դերասան Արմեն Ջիգարխանյանի նախկին կնոջ եւ նրա թատրոնի նախկին տնօրեն Վիտալինա Ցիմբալյուկ-Ռոմանովսկայայի դեմ։ Այս մասին ՏԱՍՍ-ին տեղեկացրել է աղբյուրն իրավապահ մարմիններում։

«ՆԳՆ Մոսկվայի ԳՔՎ ԳՎ-ն հունվարի վերջին հատկապես խոշոր չափերի խարդախության փաստով (ՌԴ Քր.օր. հոդ. 159, մաս 4) քրեական գործ է հարուցել։ Գործի շրջանակներում արդեն կատարվում են քննչական գործողություններ, հարցաքննվել են մի շարք վկաներ»,- ասել է գործակալության զրուցակիցը՝ ճշտելով, որ գործով անցնող հիմնական անձը Ցիմբալյուկ-Ռոմանովսկայան է։

Միեւնույն ժամանակ, Ջիգարխանյանի պաշտպանությունը հրաժարվել է մեկնաբանել այս տեղեկատվությունը։

Ավելի վաղ իրավապահները երկու անգամ հրաժարվել էին այդ հոդվածով գործ հարուցել Ցիմբալյուկ-Ռոմանովսկայայի դեմ։ Այդ հոդվածով պատժամիջոցը նախատեսում է ազատազրկում 10 տարով։

Ցիմբալյուկ-Ռոմանովսկայան մինչ այդ մեղավոր էր ճանաչվել Ջիգարխանյանի մասնավոր կյանքի անձեռնմխելիությունը խախտելու համար (ՌԴ Քր.Օր հոդ. 137, մաս 1), նրան նշանակվել է 200 ժամ պարտադիր աշխատանքի պատիժ։ Դատարանը նաեւ մասամբ բավարարել է դերասանի հայցը իրեն բարոյական վնաս հասցնելու վերաբերյալ եւ պարտադրել նրա նախկին կնոջը վճարել 200 հազ. ռուբլի։

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)