«Որպես մայր՝ սա ինձ համար լավագույն պահն է». Քիմ Քարդաշյանը պատմել է ընտանիքի մասին (լուսանկարներ)

Ամերիկյան Keeping Up With The Kardashians իրապատում շոուի աստղ Քիմ Քարդաշյանը Նյու Յորքում հյուրընկալվել է հայտնի հաղորդավար Ջիմի Ֆելոնի The Tonight Show հեռուստաշոուին:

Ինչպես նշում է Daily Mail-ը, 38-ամյա հայուհին կրել է երկարափեշ, ամբողջովին փակ զգեստ, որը, սակայն այնչափ կիպ է եղել, որ ընդգծել է Քարդաշյանի բոլոր բարեմասնությունները:

Հարցազրույցի ընթացքում հեռուստաաստղը պատմել է ընտանիքի մասին:

«Մեզ մոտ ամեն ինչ այնքան լավ է: Հնգամյա աղջիկս՝ Նորթը, ու 3-ամյա տղաս՝ Սենթը, վերջապես լեզու են գտել: Որպես մայր՝ սա ինձ համար լավագույն պահն է»,-անկեղծացել է նա:

Քարդաշյանը ևս մեկ անգամ հաստատել է, որ ինքն ու Քանյե Ուեսթը պատրաստվում են փոխնակ մոր միջոցով չորրորդ երեխայի լույս աշխարհ գալուն:

«Ես սթրեսային վիճակում էի: Տունս միշտ մարդկանցով լի է եղել: Բայց լսել եմ, որ չորս երեխա ունեցող ծնողներն ամենաերջանիկն են ու ամենահանգիստը»,-ասել է Քարդաշյանը: