Gallup: Թրամփի վարկանիշը հասել է նվազագույնին՝ երդմնակալության պահից ի վեր
ԱՄՆ նախագահ Դոնալդ Թրամփի վարկանիշը հասել է նվազագույնին՝ նրա ամբողջ պաշտոնավարման ընթացքում,– հաղորդում է Gallup-ը։
Ըստ հետազոտության տվյալների, որոնք անց են կացվել մարտի 18-ին, Թրամփի գործունեությանը հավանություն է տալիս հարցվածների 37%-ը, այն դեպքում, երբ հարցվածների 58%-ը նրան դեմ են արտահայտվում։
Հարցման առաջին օրը՝ հունվարի 22-ին, նախագահի գործունեությանը հավանություն տվողների եւ դեմ արտահայտողների թիվը հավասար էր՝ 45%:
Դոնալդ Թրամփը ցածր վարկանիշով աչքի էր ընկնում նաեւ նախագահական ընտրարշավի ընթացքում, սակայն դա չխանգարեց նրան հաղթել ընտրություններում Հիլարի Քլինթոնին։ Չնայած Քլինթոնը ստացավ ընտրողների ձայների մեծամասնությունը, առանձին նահանգներով՝ քվեարկության երկաստիճան համակարգը նրան թույլ չտվեց նախագահ դառնալ։
Նախագահության առաջին ամիսներին Թրամփի վարկանիշի նվազման միտումը պահպանվել է։
Gallup-ի ամենօրյա հարցումը ընդգրկում է մոտ 1500 չափահաս ամերիկացիների, վիճակագրական սխալմունքը կազմում է պլուս–մինուս երեք տոկոս։