Նոր կասկածյալ Սկրիպալի ու նրա դստեր թունավորման գործով

Ռուս նախկին հետախույզ Սերգեյ Սկրիպալի ու նրա դստեր թունավորման գործով ևս մի կասկածյալ է ի հայտ եկել, նշվում է, որ նա հարձակումից հետո մնացել է Մեծ Բրիտանիայի տարածքում, գրում է The Telegraph-ը՝ հղում անելով աղբյուրների:

Աղբյուրը նշում է, որ Սերգեյ Ֆեդոտով անունով ներկայացող ռուս սպան Մեծ Բրիտանիա է ժամանել Սկրիպալների գործով կասկածյալներ Պետրովի և Բոշիրովի հետ միասին: Նա պետք է նրանց հետ վերադառնար Մոսկվա, սակայն թռիչքից առաջ չեղարկել է չվերթին իր գրանցումը:

Նշվում է, որ Ֆեդոտովը Սկրիպալի թունավորումից հետո երկրի տարածքում է մնացել մի քանի օր: Տեղեկությունը բրիտանական իրավապահ մարմինների կողմից պաշտոնապես դեռ չի մեկնաբանվել:

Հիշեցնենք, որ Մեծ Բրիտանիայի օգտին լրտեսման համար ՌԴ-ում դատապարտված Սերգեյ Սկրիպալն ու նրա դուստրը մարտի 4-ին անգլիական Սոլսբերի քաղաքում թունավորվել են իրենց տան բռնակին քսված նյարդապարալիտիկ նյութով:

Պաշտոնական Լոնդոնը պնդում է, որ հարձակման հետևում կանգնած է Մոսկվան: Ռուսաստանը կտրուկ հերքում է մեղադրանքը:

Ավելի ուշ բրիտանական կողմը հայտարարել է, որ Սկրիպալների թունավորման գործում գլխավոր կասկածյալներ Ալեքսանդր Պետրով ու Ռուսլան Բոշիրով անուններով ներկայացող անձինք Գլխավոր հետախուզական վարչության գաղտնի գործակալներ են:

Այս թեմայով Սկրիպալներին «թունավորողին» նկատել են ՌԴ գլխավոր հետախուզական վարչության գեներալի դստեր հարսանիքին (լուսանկար) Սերգեյ Սկրիպալը թունավորման դեպքից հետո առաջին անգամ զանգահարել է հարազատներին Սկրիպալների գործով ԱՄՆ-ն նոր պատժամիջոցներ է պատրաստում Ռուսաստանի դեմ Վիկտորյա Սկրիպալը պատմել է «տառապանքների տարվա» մասին Սերգեյ Սկրիպալի առողջական վիճակը վատացել է