Ինչով է սիրում զբաղվել հանգստի ժամանակ Լավրովը
ՌԴ ԱԳՆ ղեկավար Սերգեյ Լավրովն ասել է, որ նախընտրում է հանգստի ժամանակ զբաղվել երեխաներով ու թոռներով, ինչպես նաեւ սպորտով՝ ֆուտբոլ խաղալ եւ ամռանը լողալ լաստանավով։ Հանդես գալով Թուրքմենստանի ԱԳՆ Միջազգային հարաբերությունների իսնտիտուտի եւ Աշգաբադի Հումանիտար գիտությունների եւ զարգացման միջազգային համալսարանի ուսանողների առջեւ՝ Լավրովը պատասխանել է այն հարցին, թե ինչով է զբաղվում հանգստի ժամանակ, տեղեկացնում է ՌԻԱ «Նովոստի»-ն։
«Սպորտ եւ երեխաներիս ու թոռներիս հետ շփում։ Արդեն երեքն ունեմ, դա ինձ մշտապես ուրախացնում է։ Եվ սպորտը. դա այն է, ինչն ինձ շեղում է տարբեր հոգսերից։ Շաբաթն առնվազն մեկ անգամ ֆուտբոլ եմ խաղում, իսկ ամռանը սիրում եմ Սիբիրում լողալ լաստանավերով։ Դա իսկապես լիցքաթափում է։ Ուրիշ ոչ մի բանի մասին չես մտածում, միայն ցանկանում ես ապրել»,- ասել է նախարարը։