Ռուսաստանը Կուբային 38 մլն եվրո վարկ կտրամադրի ռուսական ռազմական տեխնիկա գնելու համար
Ռուսաստանը Կուբային 38 մլն եվրոյի չափով պետական վարկ կտրամադրի ռուսական ռազմական տեխնիկա գնելու համար: Համապատասխան համաձայնագիրն արդեն ստորագրվել է և Մոսկվայում անցել ներպետական ընթացակարգերը: Այդ մասին «Կոմերսանտ»-ի հետ զրույցում ասել է Ռազմատեխնիկական համագործակցության հարցերով դաշնային ծառայության ղեկավար Դմիտրի Շուգաևը:
Նա հիշեցրել է, որ Կուբայի հետ ռազմատեխնիկական համագործակցության մասին միջկառավարական համաձայնագիրը գործում է 2006 թվականից:
«Այժմ փոխգործակցությունն իրականացվում է, այսպես կոչված, տեխնոլոգիական համագործակցության ծրագրի շրջանակում: Այն ենթադրում է նախևառաջ Կուբայի պաշտպանական ոլորտի զարգացման վերաբերյալ նախագծեր»,- հայտարարել է պաշտոնյան: