Բունդեսվերը պատասխանել է Թրամփի հայտարությանը՝ ՆԱՏՕ–ին Գերմանիայի հսկայական պարտքերի վերաբերյալ
ԱՄՆ նախագահի կարծիքով, այդ պարտքերը գոյացել են հզոր պաշտպանության արդյունքում, որն ալյանսն ապահովում է երկրի համար
ԳՖՀ պաշտպանության նախարար Ուրսուլա Ֆոն Լյայեն պատասխանել է ԱՄՆ նախագահ Դոնալդ Թրամփի բարձրագոչ հայտարարությանը, թե իբր Գերմանիան մեծ գումարներ է պարտք ԱՄՆ–ին եւ ՆԱՏՕ–ին` իր երկրի պաշտպանությանը մասնակցելու համար։
«Մենք ՆԱՏՕ–ի առջեւ պարտքեր չունենք»,– ասվում է Բունդեսվերի ղեկավարի հայտարարության մեջ։
Նա նշել է, որ պաշտպանության ծախսերը, որոնք Գերմանիան է կրում, ներառում են նաեւ միջազգային գործարքներ. ՄԱԿ–ի խաղարարական առաքելություններ, առաքելություններ Եվրոպայում եւ ներդնումներ ահաբեկչության դեմ պայքարում։
Հիշեցնենք, որ նախօրեին, Դոնալդ Թրամփը` Անգելա Մերկելի հետ հանդիպումից հետո, իր «Թվիթերում» գրառում էր արել, որ «Գերմանիան ՆԱՏՕ–ին եւ Գերմանիային գումար է պարտք»։ Նրա կարծիքով Բերլինը պետք է «ավելի շատ վճարի պաշտպանության հզոր եւ թանկարժեք համակարհգի համար, որը ԱՄՆ–ն է տրամադրում Գերմանիային»։