Հնդկահավը բռնվել է կողոպուտի ժամանակ
Ամերիկյան Կալիֆոռնիա նահանգի ոստիկանությունը, ստանալով կողոպուտի ահազանգ, ժամանել է Էլք-Գրով քաղաքի բնակելի շենքերից մեկը, սակայն հանցագործության վայրում հայտնաբերել է միայն վայրի հնդկավահի․ հաղորդում է Գազետա.ru-ն՝ հղում կատարելով UPI-ին:
Ըստ պարբերականի՝ թռչունը կոտրել էր շենքի երկրորդ հարկի պատուհանի ապակին եւ ներխուժել բնակարան, ինչից հետո միացել էր ազդանշանային համակարգը:
«Ոստիկանները փորձել են կապ հաստատել կասկածյալի հետ, սակայն նա թռչունների լեզվից բացի որևէ այլ լեզվով չի պատասխանել»,- հայտարարել է Էլք-Գրովի ոստիկանությունը:
Հաղորդվում է, որ թռչունը ապակու բեկորներից ստացել է աննշան վնասվածքներ եւ արդեն ազատ է արձակվել: