Արջամուկը սեքսի պատճառով է արթնանում փետրվարին
Հետազոտող Սթեմ Զերվանոսը The Conversation պարբերականում գիտական հոդված է հրապարակել, որում մանրակրկիտ նշել է պատճառը՝ ինչու են արջամկներն արթնանում փետրվարի սկզբում:
Հետազոտությունն անցկացվել էր Փենսիլվանիա նահանգի հարավ-արեւելքում, որտեղ արջամկներն ավանդաբար կանխատեսում են գարնանամուտը:
Գիտնականը պարզել է, որ նահանգի այդ մասում արջամկները դուրս են գալիս որջերից ոչ թե փետրվարի 2-ին, այլ 4-ին:
Բանն այն է, որ այդ կենդանու քնի տեւողությունն ուղղակիորեն կապված է այս կամ այն տարածքում ձմռան տեւողության հետ:
Այդ նպատակով գիտնականն անգամ մշակել էր բացասական ջերմաստիճանի պայմաններում արջամկան ակտիվության ժամանակացույցը՝ ներառյալ մտավոր եւ ֆիզիկական ակտիվությունը:
Ի՞նչն է պատճառը: Արդյո՞ք արջամուկը դուրս է գալիս որջից փետրվարի սկզբում, որպեսզի ազդարարի գարնանամուտի մասին՝ ապահովելով մարդկանց համար գեղեցիկ տոն:
Պատճառը շատ պարզ է. սովորաբար այդ տարածքներում փետրվարի սկզբին դիտարկվում է կենդանու երկարատեւ քնի ավարտն ու ցեղը շարունակելու նրա պատրաստակամությունը:
Երկարատեւ քունն օգնում է գոյատեւել ձմռանը, իսկ այդ սեզոնի ավարտից հետո արջամկան օրգանիզմը բավականին հանգստանում է ցեղի շարունակության մասին մտածելու համար: