Պոռնոդերասանուհու պատճառով սպանել է ընտանիքի անդամներին
ԱՄՆ Ֆլորիդա նահանգի բնակչին կասկածում են իր ընտանիքի անդամների սպանության մեջ։ Ինչպես հաղորդում է Washington Post պարբերականը, բանն այն է, որ այդ տղամարդու ընտանիքը պահանջել է, որպեսզի նա դադարեցնի հաղորդակցվել բուլղարացի պոռնոդերասանուհու հետ, որի վրա հսկայական գումարներ է ծախսել եւ որի հետ ծանոթացել է մեծահասակների համար նախատեսված տեսաչատի օգնությամբ։
Ոստիկանները հայտնաբերել են նրա ընտանիքի անդամներից Չեդ Ամատոյի, նրա կնոջ Մարգարետի եւ նրանց 31-ամյա որդու դիակները՝ հրազենային վնասվածքներով։ Արդեն դիակների հայտնաբերման հաջորդ օրն էլ ձերբակալվել է նույն ընտանիքի մյուս որդին՝ Գրանտ Ամատոն, որը 29 տարեկան է։ Հենց նա էլ կասկածվում է ընտանիքի անդամների սպանության մեջ։ Հայտնի է, որ Գրանտ Ամատոն անցյալ տարի սովորել է կրտսեր բուժաշխատողների դասընթացներում, սակայն գողություն է կատարել եւ վտարվել է դպրոցից։ Մնալով առանց ուսման եւ աշխատանքի, նա տեղափոխվել է ծնողների մոտ։ Այդ ժամանակ էլ, ազատ ժամերին սկսել է տարվել էրոտիկ տեսաչատերով եւ ծանոթացել պոռնոդերասանուհու հետ։ Դերասանուհու հետ շփման վրա էլ նա ծախսել է իր բոլոր գումարները, գողացել ծնողներից մոտ 150 հազար դոլար, գրավադրել ծնողների տունը 65 հազար դոլարով։ Մի քանի ամսից նա ծախսում է այդ գումարներն էլ եւ սկսվում են կոնֆլիկտներ ընտանիքում, որն էլ նման ողբերգական ավարտ է ունենում։
Մեղադրյալի աթոռին հայտնված երիտասարդը ոստիկաններին ասել է, որ ծնողները պահանջել են հեռանալ իրենց տանից, երբ իմացել են, որ ինքը շարունակում է շփվել դերասանուհու հետ, թեեւ մինչ այդ իրենից խոստում էին վերցրել, որ կդադարեցնի շփումները եւ ինքը տեղափոխվել է հյուրանոց, սակայն իրավապահները հակված չեն նրա խոսքերին հավատալու։