Օդանավում ուղևորներից մեկը վիրավորել է հարևանությամբ նստած սևամորթներին և հեռացվել ինքնաթիռից (տեսանյութ)

«United Airlines» ավիաընկերության ուղևորը կոպիտ է արտահայտվել հարևանությամբ նստած մյուս երկու ուղևորների հասցեին, ինչի պատճառով հեռացվել է ինքնաթիռից: Այդ մասին հաղորդում է Mirror-ը:

Միջադեպը տեղի է ունեցել Լաս Վեգաս-Նյու Ջերսի չվերթի օդանավում: Ուղևորներից մեկը, նստելով երկու սևամորթների միջև, սկսել է դժգոհել նրանց չափսերից: «Ես չգիտեմ, թե ինչպես եմ չորս ժամ այսպես դիմանալու: Նրանք բառացիորեն ճզմում են ինձ, անտանելի է »,- ասել է նա:

Նրա խոսքերից վիրավորված սևամորթ կին ուղևորը խնդրել է բորտուղեկցորդին տեղափոխել այդ կնոջը: «Ես չեմ հանդուրժի, որ ինձ վիրավորի ինչ-որ մի անբարոյական»,- նշել է նա:

Կնոջ վարքագծից դժգոհել են նաև ինքնաթիռում գտնվող մյուս ուղևորները, և օդանավի անձնակազմը, որը պատրաստվում էր ուղևորին առանձին նստեցնել, որոշել է հեռացնել նրան ինքնաթիռից:

Նորմա անունով ուղևորը նկարահանել է միջադեպը և տեղադրել համացանցում: Տեսանյութն արդեն երկու միլիոն մարդ է դիտել:

Տեսանյութը` այստեղ: