Ռուսաստանի հետ հարաբերությունները պետք է բարելավել Ուկրաինայում իրադրության կարգավորմանը զուգընթաց. Մերկել
Գերմանիան կողմ է Ռուսաստանի հետ հարաբերությունները բարելավելուն, սակայն միայն Ուկրաինայում իրավիճակի կարգավորմանը զուգընթաց։ Այս մասին հայտնել է Գերմանիայի կանցլեր Անգելա Մերկելը ԱՄՆ նախագահ Դոնալդ Թրամփի հետ Սպիտակ տանը համատեղ մամուլի ասուլիսի ժամանակ, գրում է Interfax-ը։
«Շատ հաճելի էր իմանալ, որ ԱՄՆ նախագահն ինքը աջակցում է Մինսկի գործընթացին։ Պետք է անհապաղ գտնել Ուկրաինայի խնդրի անվտանգ ու խաղաղ լուծում, միևնույն ժամանակ Ռուսաստանի հետ հարաբերությունները ևս պետք է բարելավել»,- ասել է Մերկելը։