Պեսկով. Մոսկվան հույս ունի, որ Կիեւը կճանաչի Ղրիմը
Մոսկվան հույս ունի, որ վերջիվերջո Կիեւի իշխանությունները Ղրիմը ռուսական կճանաչեն։ Այս մասին հայտարարել է Կրեմլի պաշտոնական ներկայացուցիչ Դմիտրի Պեսկովը, հաղորդում է Lenta-ն։
«Մենք հույս ունենք, որ վաղ թե ուշ Կիեւում հարգանքով կվերաբերվեն մի քանի միլիոն ղրիմցիների կամքի արտահայտմանն ու կընդունեն դրա արդյունքները», —նշել է Պեսկովը։
Նա ընդգծել է, որ բնակչությունը կարծիք է հայտնել իրադարձություններից հետո, «որոնք տեղի են ունեցել Կիեւում եւ որոնք հանգեցրեցին լուրջ սպառնալիքների՝ միլիոնավոր ղրիմցիների համար»։