Ադրբեջանում անկարգությունների մտավախություն ունեն՝ կապված շիա ասվածաբանի դատի հետ
Ադրբեջանում անկարգությունների մտավախություն ունեն՝ կապված շիա ասվածաբան Սերդար Բաբաեւի դատի հետ։
Ինչպես Turan-ին հայտնել է փաստաբան Ջավադ Ջավադովը՝ Շիրվանի վճռաբեկ դատարանն այսօր մերժել է Բաբաեւի ձերբակալության հետ կապված բողոքը։
Բաբաեւը կալանքի տակ է առվել փետրվարի 22-ին՝ կրոնական քարոզչության, ծեսերի ու ծիսակարգերի օրենքների խախտման հետ կապված։ Բաբաեւն ինքը հերքում է մեղադրանքները եւ քրեական գործը տեղի իշխանության պատվեր համարում։ Ինչպես նշել է փաստաբանը՝ վճռաբեկ դատարանի շուրջ՝ 500-700 ոստիկանական անցակետեր կան։ Դատարան ժամանած մի քանի հավատացյալների ձերբակալել են, ներառյալ՝ իրավապաշտպան Իլգար Իբրահիմօղլուին։
«Նույնիսկ ինձ՝ որպես փաստաբանի թույլ չեն տվել դատարան մտնել։Միայն դատարանին դիմելուց հետո ինձ առանձին ավտոմեքենայով դատարան են բերել»,-ասել է փաստաբանը։ Նա մտադիր է միջնորդել գրավի դիմաց աստվածաբանի ազատ արձակման համար, ինչպես նաեւ բողոք կներկայացնի Մարդու իրավունքների եվրոպական դատարան։
Լուրեր Հայաստանից - NEWS.am