Արթուրը միայն «Հաց Բերող» չէր

Արթուրը միայն «Հաց Բերող» չէր:

Շատերին հիմա ձեռնատու է Արթուրին միայն «Հաց Բերող» ներկայացնել կտրելով նրան այն իրադարձությունների համատեքստից, որով նա հանրության ճանաչելի դարձավ որպես «Հաց Բերող» :Այդպես հիմա շարմազանովների և տարաբնույթ « գանդիստների» համար հարմար է :Դա հնարավորություն է տալիս նրանց կարեկից և սգվոր ձևանալ: Արթուրը նաև «Սասնա Ծուռ» էր, քանի որ մտքով, սրտով ու մարմնով մերժում էր սերժիկների «հաց փախցնելու» համակարգը, որը իրենք կոչում են հայկական պետություն: «Ծռերին» հաց տանելու իր լեյտմոտիվը այն հոգեհարազատությունը և հոգեմիացումն էր, որ նա զգում էր նրանց նկատմամբ: Այն գաղափարական և համոզմունքների նույնականությունը, որի կրողն էին «Ծռերը» և ինքը: Նա «Ծռերից» ոչ մեկին չէր ճանաչել:Դա պարզել էին նաև քննիչները իր և տղերքի հեռախոսազրույցների պատմության վերլուծության արդյունքում:Ինքը չէր գնացել մենակ հաց հասցրել ու ասել «դե լավ ես գնացի տղերք»: Ինքը նաև ասել էր թե «էլ ինչով կարող եմ օգնել»:
Պարզվել էր, որ օգնելու շատ բան կա: Ռադիոֆիզիկ լինելով կարողացել էր կարգավորել «Ծռերի» ռադիոկապը : Էս ամենը ինքն է ինձ պատմել :Սերժիկները գիտեին, որ ինքը փաստերով «Սանսա Ծուռ» չի, բայց իր արած գործերով, հոգով ու սրտով «Ծուռ» է :Դրա համար էլ ուզում էին յոթ փակի տակ պահել:

Ինքը նաև «ոչ մի թիզ հողական» էր և նաև այդ պատճառով էր հայտնվել «Ծռերի» կողքին:

Ինքը վերջին շրջանում նաև ընտրություններով համակարգ փոխելուն էր հավատում ու, քանի որ իրեն հաջղվել էր անել անհնարինը՝ ճեղքել ոստիկանական պատնեշները հավատում էր նաև այդ «պատնեշը» ճեղքելու «անհնարին» գործին:Մտածում էր «ճիշտ», «ժողովրդական սեր» վայելող մարդկանցով դաշինք կազմելու մասին: Խոսակցությունը շատ նախնական էր, բայց իր համեստությունը խոցելու գնով մի կերպ համաձայնեց, որ եթե դաշինքը ստացվի այն պետք է կոչվի «Հաց Բերողների»: Կարծում եմ, որ երկրոդ անգամ նրան բանտարկեցին հենց այս պատճառով:

Ինքը «Սասնա Ծուռ» էր, ինքը «Հաց Բերող» էր, ինքը «ոչ մի թիզ հողական էր», ինքը ամբողջական մարդ էր ու հայ միաժամանակ:

Ապրես Զոհրաբյանի ֆեյսբուքյան էջից