Նիկոլի թղթյա շերեփը կամ քաղաքական միտքը կրեմլյան հանդիպման ժամանակ բացակայում էր. Ստեփան Դանիելյան
Երկաթյա շերեփի հիմքը քաղաքական միտքն է, որն երեկ՝ կրեմլյան հանդիպման ժամանակ, բացակայում էր: Այս մասին Facebook-ի իր էջում գրել է քաղաքագետ Ստեփան Դանիելյանը՝ անդրադառնալով Փաշինյան-Պուտին նախօրեին հանդիպմանը:
Նա, մասնավորապես, գրել է.
«Խրիմյան Հայրիկից սկսած կա կարծիք, որ շերեփը լինում է փայտից եւ թղթից։ Երկաթյա շերեփի տակ հասկացվում է ուժը՝ զորքերի քանակը եւ այլն։ Սակայն երկաթյա շերեփի հիմքը քաղաքական միտքն է, որն երեկ՝ կրեմլյան հանդիպման ժամանակ, բացակայում էր:
Այդ առիթով «երկաթյա շերեփի» մի պատմական դեպք հիշենք։ Նապոլեոնի ջախջախումից հետո, 1815-ին, Վիեննայում տեղի է ունենում խաղաղության կոնգրես, որը մոտակա տասնամյակների համար որոշելու էր Եվրոպայի ճակատագիրն ու նոր քաղաքական քարտեզը (իմիջիայլոց, Վիեննայի կոնգրեսի ժամանակ է դրվում դիվանագիտական շատ աստիճանների ու հարաբերությունների միջազգային իրավունքի հիմքը):
Կոնգրեսին ներկա էին հաղթող երկրները՝ Ռուսաստանը, Բրիտանիան, Պրուսիան, Ավստրիան․․․ ու պարտված կողմը՝ Ֆրանսիան, որը ներկայացնում էր Թալեյրանը։ Պարզ է, որ նոր աշխարհակարգը հիմնվելու էր Ֆրանսիայի հաշվին, սակայն Թայելրանի տաղանդը կայանում էր նրանում, որ լինելով պարտված կողմի ներկայացուցիչ, ինքն այնքան հմտորեն է կարողանում օգտագործել հաղթող երկրների հակասությունները, որ պարտված կողմից վերածվում է երկու հակամարտող կոալիցիաներից մեկի լիիրավ անդամ։ Ֆրանսիայի երկաթյա շերեփը Թայելրանի ուղեղն էր։
Որքան հասկանում է Նիկոլը Թալեյրանի հակապատկերն է եւ ոչ թե թշնամիներից դաշնակից, այլ ճիշտ հակառակը՝ դաշնակիցներից թշնամի սարքելու գործում մեծ տաղանդ ունի»:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը