Պետդեպ, Թիլերսոնն Ասիայում գործընկերների հետ «առարկայական ու բարդ» բանակցություններ կանցկացնի
ԱՄՆ պետքարտուղար Ռեքս Թիլերսոնը Ասիա իր այցելության շրջանակում գործընկերների հետ «առարկայական ու բարդ» բանակցություններ կանցկացնի՝ Հյուսիսային Կորեայի նկատմամբ հետագա քայլերի կապակցությամբ։ Այս մասին հայտնել է ԱՄՆ Պետդեպարտամենտի ներկայացուցիչ Մարկ Թոները։ Ընդ որում նա նշել է, որ չի ուզում նշել, թե կոնկրետ ինչ գործողություններ են հնարավոր Հյուսիսային Կորեայի դեմ։
Նրա խոսքով այս այցելությունը լավ հնարավորություն է տարածաշրջանում ԱՄՆ դաշնակիցների ու գործընկերների հետ քննարկել հնարավոր քայլերը՝ հաշվի առնելով այն սպառնալիքը, որը բխում է Հյուսիսային Կորեայից, որը «անկեղծ ասած՝ ավելի ուժեղ է դառնում»։