Այսուհետ չինացի երեխաներին կպաշտպանեն արտասահմանյան քարոզչությունից
ՉԺՀ իշխանությունները սահմանափակել են արտասահմանյան նկարազարդ գրքերի հրատարակումը։
Չինաստանում մի փաստաթուղթ է շրջանառության մեջ դրվել, որը սահմանափակումներ է մտցրել արտասահմանյան գրականություն լույս ընծայող հրատարակչությունների համար։ Սա միջոց է, որով սահմանափակվում է արեւմտյան քարոզչությունը։
Մասնավորապես հաղորդվում է, որ այդպիսի պատժամիջոցների տակ է ընկել «Պեպա խոզուկի» մասին պատմող մուլտսերիալը եւ համապատասխան գրականությունը։
Ըստ չինացի պաշտոնյաների՝ փոքրիկ երեխաները անպաշտպան են այդ «վիրուսի» նկատմամբ, որը այլախոհ գաղափարներ է ներարկում։
Հաղորդագրության մեջ ասվում է, որ չինական շուկա դուրս եկած «Խոզուկ Պեպան» արդեն դարձել է երկրի ամենահայտնի բրենդերից մեկը։
Հիշեցնենք, որ «Խոզուկ Պեպան» բրիտանական մուլտսերիալ է, որ ցուցադրվում է 2004 թվականից։ Այն չափազանց հայտնի է եւ ներկայացված է ավելի քան 180 երկրներում՝ 40 լեզուներով։