Բեռլինում՝ ԳՖՀ Ֆինանսների նախարարության շենքի մոտ պայթուցիկ սարք է հայտնաբերվել
Պայթուցիկ սարքը պատրաստված է եղել այնպիսի նյութերից, որոնք կիրառվում են պիրոտեխնիկայում։
Բեռլին, 15 մարտի, 2017թ.։Համաձայն ոստիկանների հայտարարության՝ կասկածելի փաթեթում, որ հայտնաբերվել է ԳՖՀ ֆինանսների նախարարության մոտ, պայթուցիկ սարք է եղել։
Առաջնային հետազոտությունը ցույց է տվել, որ փաթեթում պայթուցիկ նյութ է եղել, որ օգտագործվում է պիրոտեխնիկայում։
Սարքը այնպես է եղել կառուցված, որպեսզի մեծ վնասներ հասցներ փաթեթի բացման պահին։
Գերմանիայի ներքին գործերի նախարարությունը ավելի մանրամասն տեղեկություններ չի հաղորդել։ Հետաքննությունը շարունակվում է։
Ավելի վաղ հաղորդվել էր, որ ԳՖՀ ոստիկանությունը մարտի 11-ին կանխել էր Էսսեն քաղաքի Limbecker Platz առեւտրի կենտրոնում նախապատրաստված ահաբեկչությունը։
Ոստիկանությունը բերման էր ենթարկել եւ հարցաքննել երկու կասկածյալ տղամարդկանց Օբերհաուզեն քաղաքից, սակայն նրանց ազատ էր արձակել՝ հանցանշանների բացակայության պատճառով։