Թուրքիան չեղարկում է Ստամբուլի և Ռոտերդամի միջև քույր-քաղաքների մասին պայմանագիրը
Թուրքիայի նախագահ Ռեջեփ Թայիփ Էրդողանը երկրի վարչապետ Բինալի Յըլդըրըմին հանձնարարել է չեղարկել քույր-քաղաքների մասին պայմանագիրը Ստամբուլի և Ռոտերդամի միջև: Այս մասին հաղորդում է Hurriyet Daily News-ը:
«Երեկ երեկոյան հանձնարարել եմ մեր վարչապետին անհապաղ տեղեկացնել Ստամբուլի քաղաքապետին և միակողմանի կարգով չեղարկել քույր քաղաքների մասին մեր համաձայնագիրը Ռոտերդամի հետ, քանի որ մեզ համար անհնարին է պահպանել եղբայրական հարաբերությունները նման մարդկանց հետ», - պարբերականը մեջբերում է Էրդողանի խոսքը:
Դիվանագիտական սկանդալը Թուրքիայի և Նիդերլանդների միջև ծագել է օրեր առաջ, երբ անվտանգության նկատառումներից ելնելով` Հոլանդիայի իշխանությունները որոշում էին կայացրել թույլ չտալ թուրք նախարարների ելույթները Ռոտերդամում: