Եվրոպական խորհրդի նախագահ. Թուրքիան ամբողջությամբ կտրված է իրականությունից
Թուրքիան ամբողջությամբ կտրված է իրականությունից, եթե Նիդեռլանդների իշխանություններին ֆաշիստական է անվանում, հաղորդում է BBC–ն։
«Ռոթերդամը նացիստների կողմից ամբողջապես ավերված Էրազմա քաղաքն է, որի քաղաքապետն այսօր ծագումով Մարոկկոյից է։ Եթե ինչ–որ մեկը Ռոթերդամում ֆաշիզմ է տեսնում, ապա այդ մարդիկ ամբողջությամբ կտրված են իրականությունից»,–հայտարարել է Եվրախորհրդի նախարար Դոնալդ Տուսկը՝ կապված Թուրքիայի ԱԳՆ ղեկավար Մեւլյութ Չավուշօղլուի՝ Նիդեռլանդները ֆաշիզմի մայրաքաղաք անվանելու հետ։
Նշենք, որ Անկարայի եւ Ամստերդամի միջեւ հարաբերությունները սրվել են այն բանից հետո, երբ Նիդեռլանդների իշխանությունները թույլ չեն տվել թուրք երկու նախարարներին Ռոթերդամում հանդիպել հայրենակիցների հետ եւ Թուրքիայում կայանալիք Սահմանադրական բարեփոխումների հետ կապված քարոզարշավ իրականացնել։