Ուկրաինան եւ Թուրքիան ազատ ելումուտի վերաբերյալ փոխադարձ համաձայնագիր են ստորագրել
Ուկրաինան եւ Թուրքիան համաձայնագիր են ստորագրել քաղաքացիների փոխադարձ այցելությունների վերաբերյալ՝ նույնականացման քարտերով։
Այսպիսով Ուկրաինայի եւ Թուրքիայի քաղաքացիները, ովքեր օգտագործում են ոչ կոնտակտային էլեկտրոնային կրիչով նույնականացման քարտեր, հնարավորություն կունենան ազատ մտնել եւ դուրս գալ այս երկրների տարածք եւ առանց վիզայի մնալ Թուրքիայում եւ Ուկրաինայում 90 օր՝ 180 օրվա ընթացքում։
Սույն համաձայնագիրը կնպաստի երկկողմանի հարաբերությունների զարգացմանը,– նշել են Ուկրանայի կառավարությունում։
Ավելի վաղ երկու պետությունները պայմանավորվել էին քաղաքացիների փոխադարձ այցելությունների վերաբերյալ՝ ներքին փաստաթղթերով։