Մերկելը հույս ունի կառուցողական բանակցություններ վարել Թրամփի հետ
Գերմանիայի Կանցլեր Անգելա Մերկելի ներկայացուցիչը հայտարարել է, որ Գերմանիայի ղեկավարը հույս ունի կառուցողական բանակցություններ վարել ԱՄն նախագահ Դոնալդ Թրամփի հետ՝ Վաշինգտոն իր այցելության ժամանակ,– հաղորդում է Reuters-ը։
«Կանցլերը հույս ունի, որ Ամերիկայի նախագահի հետ մանրամասն մտքերի փոխանակության հնարավորություն կունենա։ Գերմանիան եւ ԱՄՆ–ն գործընկերներ են, ընդհանուր շահերի ցուցակը շատ լայն է»,– ասել է Մերկելի ներկայացուցիչը։
Նրա խոսքերով, ղեկավարների բանակցությունները կտեւեն մոտ երկուս ու կես ժամ, ինչից հետո Թրամփն ու Մերկելը, արդեն ճաշի սեղանի շուրջ, կշարունակեն ԱՄՆ եւ Գերմանիայի երկկողմ հարաբերությունների վերաբերյալ քննարկումները։
Ավելի վաղ հաղորդվել էր, որ Դոնալդ Թրամփը, հաջորդ շաբաթ իրենց հանդիպման ժամանակ, խնդրելու է Անգելա Մերկելին կիսվել իր կարծիքով, թե ինչպես կարող է ԱՄՆ–ն օգնել լուծել Ուկրաինայի արեւելյան հակամարտությունը։