Կրեմլը հաղորդել է, որ նախապատրաստվում է Իրանի նախագահի այցելությանը Մոսկվա
Ռուսաստանի նախագահի մամլո քարտուղար Դմիտրի Պեսկովը հաստատել է, որ Իրանի նախագահ Հասան Ռոուհանիի այցելությունը Մոսկվա նախապատրաստական փուլում է։
«Մենք նախապատրաստվում ենք եւ կանենք համապատասխան հայտարարություն»,– ասել է Պեսկովը։
Ենթադրաբար բանակցությունները տեղի են ունենալու Մոսկվայում, մարտի 28-ին։
Ավելի վաղ Ռուսաստանում Իրանի դեսպանատունը հաստատել էր, որ Իրանի նախագահ Հասան Ռոուհանին մտադիր է մարտին ժամանել Մոսկվա՝ Ռուսաստանի նախագահ Վլադիմիր Պուտինի հետ բանակցությունների նպատակով։