Մեծ Բրիտանիան վախենում է «ռուս ցանցահեններից». Times
Մեծ Բրիտանիայի վարչապետ Թերեզա Մեյը պառակտիչ գործունեության դեմ պայքարի նախարար է նշանակել՝ ելնելով այն մտավախությունից, որ Ռուսաստանը կարող է միջամտել երկրում ընտրությունների գործընթացին, հաղորդում է Timesը:
Նշվում է, որ այդ պաշտոնին նշանակվել է կաբինետի նախարար Բեն Գամերը: Նրա խնդիրը կլինի «պաշտպանել Մեծ Բրիտանիայում ժողովրդավարական կյանքի անձեռնամխելիությունը»: Մեծ Բրիտանիայում անհանգստացած են, որ «ռուսական ցանցահենային հարձակումները, կեղծ լուրերն ու փողերը կարող են ապակայունացնել ժողովրդավարությունը», գրում է պարբերականը:
Ինչպես գրում է պարբերականը՝ «հաջորդ ընտրությունների անձեռնամխելիությունը» առաջնային է դառնում Մեծ Բրիտանիայի ազգային անվտանգության համար:
Մեծ Բրիտանիայում խորհրդարանական ընտրությունները տեղի կունենան 2020-ին, եթե խորհրդարանն արտահերթ չլուծարվի: Բացի այդ, երկրում ամեն տարի տեղական ընտրություններ են տեղի ունենում: