Աֆղանստանը խնդրել է Ռուսաստանին օգնել տնտեսության վերականգնման հարցում
Աֆղանստանն առաջարկել է Ռուսաստանին ներդրում անել 124 օբյեկտում՝ ազգային տնտեսությանն աջակցելու համար, գրում է «Իզվեստիա» թերթը՝ վկայակոչելով աֆղանական դեսպանատանը:
«Աֆղանստանում շատ օբյեկտներ կառուցվել են խորհրդային մասնագետների կողմից և կարող են վերականգնվել Ռուսաստանի կողմից: Դրանք ավելի քան 100-ն են, եթե հստակ լինենք՝ 124-ը»,- ասել է Մոսկվայում Աֆղանստանի դեսպանատան առևտրա-տնտեսական հարցերով կցորդ Մուհամեդ Կասեմը:
Реклама 14
Նա նշել է, որ Աֆղանստանի տնտեսության վերականգնման թեման արդեն բարձրացվել է ռուսական կողմի հետ բանակցությունների ժամանակ:
Կասեմը հավելել է, որ Աֆղանստանի նախագահ Աշրաֆ Ղանին պաշտպանում է ռուսական ներկայացուցչության ուժեղացումը, այդ նպատակների համար ստեղծվել է հատուկ տնտեսական խորհուրդ: