Արքայազն Չարլզի 70-ամյակի առթիվ հրապարակվել է թագավորական ընտանիքի պաշտոնական լուսանկարը (ֆոտոշարք)

Բրիտանական գահի ժառանգ, Ուելսի արքայազն Չարլզի 70-ամյակի առթիվ հրապարակվել է թագավորական ընտանիքի պաշտոնական լուսանկարը՝ հոբելյարի, նրա կնոջ, երկու որդիների, հարսների ու երեք թոռների մասնակցությամբ:

Ինչպես նշում է The Guardian-ը, պաշտոնական լուսանկարից բացի, հրապարակվել են ֆոտոշարքի մյուս կադրերը ևս:

Աղբյուրը մանրամասնում է, որ լուսանկարներն արվել են սեպտեմբերին՝ Քլարենս Հաուսի այգում: Դատելով լուսանկարվողների դեմքի արտահայտությունից՝ ֆոտոշարքն անցկացվել է ուրախ ու անկաշկանդ մթնոլորտում:

Հատկանշական է, որ արքայազն Չարլզն իր գիրկն է առել թոռներից ամենաավագին՝ բրիտանական գահի ժառանգորդների թվում 3-րդը համարվող 5-ամյա արքայազն Ջորջին:

Հոբելյարի կողքին նստած է նրա երկրորդ կինը՝ Քորնուելի դքսուհի Կամիլա Փարքեր Բոուլզը, որի կողքին փոքրիկ արքայադուստր Շառլոթն է:

Մինչդեռ հետին պլանում կանգնած են Քեմբրիջի դքսուհի Քեյթ Միդլթոնը՝ փոքրիկ արքայազն Լուիին գրկած, նրա ամուսինը՝ արքայազն Ուիլյամը, նրա կողքին արքայազն Հարին ու կինը՝ Մեգան Մարքլը:

Պաշտոնական լուսանկարը