Այսպես է Վրաստանը դիմավորել իր վեց միլիոներորդ զբոսաշրջիկին (Տեսանյութ)
Հաճախ ենք մենք մեզ հարց տալիս, թե՝ ինչու Հայաստանը չունի այսօր զարգացման այն մակարդակը, ինչ կա հարեւան Վրաստանում։ Մեր պաշտոնատար այրերը փորձում են ամեն կերպ ընդդիմանալ եւ հակադարձել, թե իբր Վրաստանը ոչ մի բանով մեզանից առավել չէ։ Բայց փաստերը խոսում են իրենք իրենց մասին, անկախ նրանից, թե ինչ կասեն շարմազանովները կամ նրա կուսակից մյուս ընկերները։ Մի կողմ թողնելով բոլոր ինչուները, վերադառնանք զբոսաշրջության խնդրին եւ այս փոքրիկ, սակայն շատ խոսուն օրինակով, հասկանանք, թե ինչքան բան ունենք սովորելու մեր դարավոր հարեւանից, թե ինչպես է պետք երկիրը գովազդել, հետաքրքիր եւ ցանկալի դարձնել օտարերկրացու համար։
Ջասպեր Բլեքին՝ Վրաստանի վեց միլիոներորդ զբոսաշրջիկին, Թբիլիսիում այնպես են դիմավորել, որ նա հուզմունքից արտասվել է։ Օդանավակայանից նրան լիմուզինով, ոստիկանական պահակախմբի ուղեկցությամբ տարել են հանդիսավոր ճաշկերույթի Վրաստանի վարչապետ Գեորգի Կվիրիկաշվիլիի հետ։
Սակայն Ջասպերի անակնկալները սկսվել են դեռ անձնագրային ստուգման կետից, երբ նրան մի շիշ վրացական գինի են հանձնել։ Այնուհետեւ նրան տարել են վարչապետի հետ հանդիսավոր ընթրիքի։ Ճանապարհին մեքենայի վարորդը զարմացած զբոսաշրջիկին մի երկտող է տվել. «Թանկագին Ջասպեր, դու մեզ համար հատուկ հյուր ես։ Պատրաստվիր անակնկալների»։
Անակնկալն իրեն երկար սպասել չտվեց. Վրաստանի պետական ֆիլհարմոնիայի մոտով անցնելիս՝ Ջասպերը մեծ էկրանի վրա տեսավ իր նկարը եւ գրություն. «Նա ժամանեց»։ Ջասպերը միայն կարողացավ շփոթված ասել՝ սա կատա՞կ է, դուք կատակու՞մ եք։
Արդեն «Մթացմինդա» պուրակի ռեստորանում հյուրին դիմավորեց Վրաստանի վարչապետը։ Այս ռեստորանում Վրաստանի բարձրաստիճան պաշտոնյաների հետ ընթրում են սովորաբար այլ երկրների բարձրաստիճան հյուրերը՝ վարչապետեր եւ նախագահներ։ «Սա անհավատալի է, ես լաց եմ լինում երեխայի պես։ Ես երբեք, երբեք, երբեք սա չեմ մոռանա»,– արցունքների միջից ասում էր հուզված զբոսաշրջիկը։
Իսկ մեզ մնում է նայել տեսանյութը, եւ հուսալ, որ մի օր էլ մենք կկարողանանք այսպես զարմացնել մեր զբոսաշրջիկներին՝ ոչ թե մեր հյուրանոցների ու հյուրատների անտրամաբանական բարձր գներով եւ չաշխատող եվրոզուգարաններով, այլ հեքիաթային ընդունելությամբ.
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը